Nakararamdam man ng pressure bilang anak ni Wendell Ramos, inilahad ni Tanya Ramos na mabuti ito para sa kaniya para pagbutihin ang kaniyang career sa showbiz.
"Of course hindi naman po talaga maiiwasan to feel pressure especially when a lot of people want to meet their expectations," sabi ni Tanya sa GMA Regional TV Early Edition.
"Pero I feel like it is also a good kind of pressure, knowing na I can push myself more to work harder," dagdag niya.
Kuwento ni Tanya, binigyan siya ng tips ng amang si Wendell kung paano niya ide-deliver ang kaniyang acting.
"He gave me some tips on how to deliver my emotions. He told me to take my time in feeling that specific emotion and that I shouldn't really push myself so much, kasi all feelings are valid and it will turn out realistic and wholesome for me."
Bago nito, sinabi rin ni Tanya na pinayuhan siya ng ama na seryosohin ang kanilang trabaho.
"Ito po ang tumatak talaga sa isip ko, he told us to always take out work seriously," sabi ni Tanya.
"We should love everything about it, we should love everything about our craft and that we should love the things that we are capable to show," dagdag pa niya.
Gaganap si Tanya bilang si Aira Rivera sa "Luv Is: Caught In His Arms," na adaptation mula sa hit Wattpad novel.
Inilarawan ni Tanya bilang "sassy" ang kaniyang karakter na si Aira, na good friend ni Florence Almero, na ginagampanan ni Sofia Pablo.--FRJ, GMA News
