"One step forward" si Klea Pineda sa pag-abot sa pangarap niya na maging piloto matapos niyang subukan ang flight simulator.
Sa kaniyang Instagram, na mapapanood din sa Unang Balita nitong Biyernes, nag-post si Klea ng isang video tungkol sa ginawa niyang pagsubok sa flight simulator sa unang pagkakataon.
"Women must try to do things as men have tried, When they fail their failure must be but a challenge to others — Amelia Earhart, in The New York Times, 29 July 1928," caption ni Klea.
"One step forward sa pangarap na maging isang Piloto!" dagdag pa ng "Bolera" actress.
Inihayag ni Klea noong isang taon na gusto niyang maging isang piloto at hikayatin ang mga kababaihan sa mga male-dominated field. —LBG, GMA News
