Inilabas na ang official music video ng debut single ni Sanya Lopez na "Hot Maria Clara."
Inilabas ng GMA Music ang video ni Sanya nitong Biyernes, na mayroon na ngayong 21,000 views.
Sa Chika Minute report ni Nelson Canlas sa "24 Oras Weekend," sinabi ni Sanya na malaki ang pasasalamat niya dahil bukod sa pag-arte, nasubukan niya na ring umawit at sumayaw.
Ipinagmalaki rin ni Sanya ang kaniyang kanta, na kumakatawan sa dalagang Pilipina.
"Ang kantang ito ay very empowering. Pinapakita rito kung paano tayo tumayo sa sarili nating mga paa na hindi natin kailangang umasa sa guys," sabi ni Sanya. —Jamil Santos/VBL, GMA News
