Nagbigay ng pahayag sina Ysabel Ortega at Miguel Tanfelix tungkol sa pagiging extra close nila mapa-on o off-screen man sa kanilang project.
"It's a close working relationship," natatawang sabi ni Ysabel sa Chika Minute report ni Cata Tibayan sa GMA News "24 Oras" nitong Miyerkoles.
"Siyempre kailangan may strong working relationship para magkaroon ng chemistry on scene," patuloy ni Ysabel, at sinabing "super fun" na katatrabaho si Miguel.
Nakangiti namang inihayag ni Miguel na, "Okay naman kami ni Ysabel ngayon. We're doing really good."
Nakatakdang sumabak sa live adaptation na "Voltes V: Legacy" sina Ysabel at Miguel at gagampanan nila ang role bilang sina Jamie Robinson at Steve Armstrong.
Pero bago nito, magpapatawa at magpapakilig muna ang dalawa sa upcoming romantic-comedy series na "What We Could Be."
"Pinaka-nagustuhan ko sa show na ito, my character. Feeling ko ito 'yung pinaka-mature role na gagampanan ko and my dark past," sabi ni Miguel.
"Gagawa ako ng rom-com tapos with Miguel pa, so masaya. And it's really exciting," sabi ni Ysabel.
Makakasama nina Ysabel at Miguel sina Yasser Marta at Pamela Prinster.--Jamil Santos/FRJ, GMA News
