Engaged na si Miss Universe Philippines 2016 Maxine Medina sa kaniyang non-showbiz boyfriend na si Timmy Llana.
Sa kaniyang Instagram, ibinahagi ni Maxine ang larawan ng kaniyang diamond ring, pati na rin ang ilang intimate moment ng kaniyang engagement.
"Finally my forever," caption ni Maxine, kung saan naka-tag si Timmy.
Halos apat na taon nang magkarelasyon sina Maxine at Timmy. Ipinagdiwang nila ang kanilang ikatlong anibersaryo Hunyo noong nakaraang taon.
Binigyan din ni Timmy si Maxine ng isang promise ring na may inisyal niya na "M" Pasko noon ding 2021.
Ipinakita rin ni Maxine ang kaniyang diamond ring. —Jamil Santos/VBL, GMA News
