Kung mayroon mang pagkakatulad si Thia Thomalla sa kaniyang karakter bilang miyembro ng Presidential Security Group sa "First Lady," ito ay ang pagiging protective sa kanilang mga taong minamahal.
"'Yung pinakaunang similarity ko with PSG Val [Valerie Cañete-Enriquez] would be that sobrang protective ako. As a PSG, they promise or are bound to die for a person you are responsible with. Ako naman, na-realize ko na I can do that for a person I really, really love," sabi ni Thia sa Mornings with GMA Regional TV.
"'Yan 'yung similarity namin na protective kami sa mga mahal namin," anang beauty-queen turned Kapuso actress.
Napapanood na simula Lunes, Valentine's Day ang "First Lady," ang sequel sa kuwento ni Yaya Melody bilang "First Yaya," na ginagampanan ni Sanya Lopez.
Matapos mapangasawa si Philippine Pres. Glenn Acosta (Gabby Concepcion), nagte-training na ngayon si Melody sa kaniyang pagiging "First Lady."
"What I love most about 'yung working relationship namin, kaming lahat are very, very professional. Sa set namin we listen to our director and we always try to do our best to give justice to our characters," sabi ni Thia tungkol sa kaniyang mga katrabaho.
"Behind the scenes naman kapag nasa tent kami we always have deep talks together, we always stick together, so sobrang masayang bonding. We understand each other. Hindi lang kami workmates but we are becoming a family," dagdag ni Thia.
--FRJ, GMA News
