Inihayag ni Derek Ramsay na tinutuldukan na niya ang mga usapin tungkol sa hiwalayan nila ng ex-girlfriend na si Andrea Torres.
"I've always been honest, I think given the details," sabi ni Derek sa Kapuso Showbiz News.
Tinatanggap daw ni Derek ang ibang opinyon ng mga tao hinggil sa breakup nila ng Kapuso actress.
"But I just... Yeah it's true, I'm not saying mali sila. Kung narinig niyo po 'yung sagot ko, it's more of values namin, we're very different," saad ni Derek.
"I'm not saying my values are better than hers or hers are better than mine, or mine is right and hers are wrong, or hers are right and mine are wrong," paliwanag niya.
"It's just we were brought up differently, and that's where the clash... that's what led to the breakup. Because I don't want to change her, she doesn't want to change me," patuloy ng aktor.
Matatandaang muling napag-usapan ang hiwalayan nina Derek at Andrea nang ma-interview ni Cristy Fermin ang aktor, at inihayag ng huli na sa cellphone lang nangyari ang kanilang breakup.
Dagdag ni Derek, maging ang kaniyang pamilya ay hindi nakaligtas sa ilang masasakit na salita matapos ang insidente.
"A lot of lies and a lot of hurtful things have been said about me, about my family... It was more of like, it was at that moment, I guess I was just being very honest to Nanay Cristy who I trust naman very much. That's why I answered her question," anang Kapuso actor.
Dahil dito, tinatapos na ni Derek ang mga usapin tungkol sa nakaraan nila ni Andrea.
"Siguro nabanggit ko na kasi parang gusto ko nang matahimik na lang eh. Kasi I'm in a relationship now, I'm getting married. It is hard to believe na I am getting married," ani Derek.
"So I just want that all over and done with. I wake up every morning to all this stuff, 'di ba, about 'that.' And I guess I want to put it to rest para matapos na."
Si Andrea naman, sinabing "I've moved on" nang tanungin sa isang press conference tungkol sa hiwalayan nila ni Derek.--FRJ, GMA News
