Nakipag-collaborate ang Pinoy pop boy group na SB19 sa Pinoy designer na si Chynna Mamawal para sa isang clothing line na inspired ng kanilang hit music single na "What?"
Sa ulat ng GMA News "Unang Balita" nitong Huwebes, sinabing ang ilan sa mga damit ay hango sa kulay ng Philippine flag, na base sa kanta nilang "What?" na short for "Watawat."
Sinabi ng SB19 members na sina Pablo, Stell, Ken, Justin, at Josh na honored silang makatrabaho si Chynna sa kanilang collaboration.
“Miss Chynna was accommodating with our suggestions and we’re really, really satisfied with that, so [we’re] just grateful,” dagdag ni Pablo.
Ayon naman kay Chynna, dalawa ang mga magiging look ng disenyo na Set A at Set B.
“[For] Set A the color palette is more of the Philippine flag colors, which is [in] direct reference to the song ‘WHAT?!’ … because ‘WHAT?!’ means ‘watawat (flag),’” ani Chynna.
Ang Set B naman ay para sa personal at indibidwal na estilo ng bawat SB19 member.
“I want these pieces to be more personal and very ‘them.’ So actually at first it was very challenging for me because my forte is gown and suits and streetwear is very new to me and I am in this whole new world of streetwear and music and it’s very fun to do,” sabi pa ni Chynna.
Sa kasalukuyan, nasa mahigit 8.3 million views na ang "What?" music video ng SB19 sa YouTube.
--Jamil Santos/FRJ, GMA News
