Ilang Hollywood celebrities ang bumati kay Lovi Poe sa kaniyang kaarawan tulad ni Lindsay Lohan.
Sa Instagram post, pinasalamatan ni Lovi, nagdiwang ng kaniyang kaarawan nitong February 11, ang nobyo niyang si Montgomery Blencowe dahil sa celebrity video greetings na inihanda para sa kaniya.
Bukod kay Lindsay Lohan ng bida sa "Mean Girls" at si Tom Felton ng "Harry Potter" movies, bumati rin kay Lovi sinabi "The Chilling Adventures of Sabrina" hunks Gavin Leatherwood, at Chance Perdomo, Torrance Coombs mula sa "Reign," at si Jake Thomas ng "Lizzie McGuire."
"Owe My...goodness! I'm sorry Regina George but I think fetch just happened," saad ng Kapuso actress sa caption ng kaniyang post.
"Thank you for compiling my faves in one video for the eve of my birthday +++ all these mentions and well wishes for #OweMyLove has made us all KILIG to the bones," dagdag pa ni Lovi, na bida sa bagong Kapuso series na "Owe My Love."
Sinabi ni Lindsay kay Lovi na hindi na makapaghintay si Monty na makita siya sa "Owe My Love."
"Hey, Lovi! It's Lindsay Lohan," panimula ng Hollywood actress.
"Monty wants to wish you a very happy Valentine's Day. He’s so proud of you and can't wait to see you on your show, 'Owe My Love' and he will see you very soon. Lots of love, God bless!" sabi pa ni Lindsay.
Ang nobyo ni Lovi na si Monty ay isang writer-producer na nakabase sa Los Angeles. —FRJ, GMA News
