Ipinakita ni Baby Summer ang kaniyang “professionalism” nang ibigay na niya agad ang galit na emosyon na hinihingi ng kaniyang ama na si Paolo Contis sa kanilang #Acting103.
Sa cute na video na pinost ni Paolo sa kaniyang Instagram, makikita na handa na agad si Summer sa kinakailangang emosyon ng kaniyang direktor, bago pa mag-“action.”
“Dahil #Lockdown Day103 na today, mag #Acting103 tayo! Natutuwa ako kay Summer dahil very professional na talaga!! Wala pang action, ready na agad.!!” caption ni Paolo sa kaniyang post.
Bago nito, ipinakita na rin ni Summer ang galing niya sa pag-arte, nang sumalang naman ito sa matinding iyakan habang on cue sa music.
Kinagiliwan din ang video ng pag-iyak ni Summer on cue na tumitigil kapag sinabihan na siya ng “Cut!” ng kaniyang tatay. – Jamil Santos/RC, GMA News
