Masaya si AiAi delas Alas na muli niyang makakatrabaho si Jon Gutierrez o mas kilala bilang si King Badger ng grupong "Ex Battalion" para sa isang bagong Kapuso project.
Sa isang video ng GMA Network, kinumusta si AiAi tungkol sa muli nilang pagsasama ni Jon.
"Wala na 'yon, kumabaga let bygones be bygones. At saka si Jon isa sa pinakamabait kong alaga 'yan sa Ex B," anang Kapuso Comedy Queen.
"Happy set, sobra. Sobrang happy set. Ang dami ko ngang positivity," dagdag pa niya.
Natanong din si Jon sa muli niyang pakikipagtrabaho kay AiAi.
"Me and mama Ai, we're good. Wala naman kaming naging problema noong mga panahong nag-work kami together. Until now we're okay," saad ni Jon.
"Tsaka let's move on, sobrang tagal na nu'ng mga nangyari. I'm happy na magwo-work kami ulit together after ng movie namin," ayon pa sa Ex Battalion member.
Matatandaang nagbitiw si AiAi bilang manager ng Ex Battalion noong nakaraang taon dahil umano sa hindi pagrespeto ng ilang miyembro sa kaniya.-- Jamil Santos/FRJ, GMA News
