Sa kaniyang Instagram post, ibinahagi ng batikang aktor na si Michael de Mesa na magaling na siya sa kaniyang sakit na Hepatitis C na dalawang dekada na rin niyang nilalabanan.
Ayon kay Michael, taong 1999 nang matuklasan na mayroon siyang Hepatitis C, at tuluyan lang itong nawala sa tulong ng kaniyang asawa na si Julie na naghanap ng gamot sa kaniyang sakit.
Kuwento niya, masyadong mahal ang gamot na kailangan niya na nagkakahalaga ng $1,000 bawat pill o aabutin umano ng mahigit $90,000 para sa 12 linggong gamutan.
Sa tulong umano ni Julie, nakahanap ito ng pamalit sa gamot na "generic version" na nagkakahalaga ng $1,000 para na sa buong 12 linggo nang gamutan.
"Luckily, Julie was able to find a generic version from India which was just $1,000 for the WHOLE 12-week treatment already! So we got in touch with this Australian who helps people with Hep C. He is the head of the “Hep C buyers club”, so to speak. He also had the virus but was cured 3 years ago and he has helped so many people around the world," kuwento ni Michael.
Sinimulan daw ang gamutan noong Nobyembre at nakompleto noon Pebrero.
"After 2 decades, I am CURED of my Hepatitis C!!! It is gone! Praise God!and completed it in February," masaya niyang balita.
Bago umano ang gamutan, ang my viral count niya ay nasa 35 milyon, pero pagkaraan ng apat na linggong gamutan, naibaba ito sa 1,200.
"Anything below 2,000 is actually considered undetected already. By the end of the treatment, it was zero, zilch, nada, UNDETECTED! Got retested this week after 3 months post treatment just for good measure, and it’s still undetected," patuloy niya.
Nitong nakaraang Huwebes, nagdiwang ng kaarawan si Michael.
"On my birthday today, I want to thank the Lord for another year of life. I also want to thank Him for bringing Julie into my life, making her His instrument, so that I can enjoy many more years with my loved ones," saad niya. --FRJ, GMA News