Sa "Road Trip" ng "Triplets" sa Guimaras, hinarap ni Manilyn Reynes ang kaniyang "fear of heights" sa zipline. Todo-suporta naman sa kaniya ang mga kaibigang sina Sheryl Cruz at Tina Paner.
Bago pa man umakyat sa zipline, atubili na si Manilyn na magsuot ng gear sa pag-zipline dahil mayroong siyang acrophobia o "fear of heights."
Kaya naman nanginginig daw ang kaniyang mga binti at iba ang nararamdaman habang papaakyat sa zipline.
Hindi naman siya iniwan ng kaniyang mga kaibigan para harapin ang naturang pagsubok. Malampasan kaya ni Manilyn ang kaniyang takot? Panoorin sa episode na ito ng "Road Trip."
-- Jamil Santos/FRJ, GMA News
