Nananatiling mailap ang Ultra Lotto 6/58 na wala pa ring nanalo sa draw nitong Martes, June, 27, 2023, at umaabot na sa mahigit P343 milyon ang premyo.
Sa website ng Philippine Charity Sweepstake Office, nakasaad na zero winner sa nabanggit na draw na ang lumabas na mga numero ay 28-19-24-35-38-37.
Ang kabuang premyo nito ay P343,618,797.60.
Sa Facebook page ng PCSO, nakasaad na may 22 mananaya ang nanalo ng second prize na P120,000.00 ang premyo.
Binobola ang Ultra Lotto 6/58 tuwing Linggo, Martes, at Biyernes.
Samantala, wala ring tumama sa kasabay nitong draw na Superlotto 6/49, na ang lumabas na mga numero ay 21-45-06-43-40-32, at may premyong P19,272,978.80.
Wala ring pinalad na manalo sa Lotto 6/42 na ang lumabas naman na mga numero ay 28-27-20-19-16-39, at P46,545,659.20 ang jackpot prize.
Wala ring nakahula sa mga lumabas na mga numero sa 6D Lotto na 8-2-6-9-5-8, at umaabot na sa P1,928,493.24 ang premyo. --FRJ, GMA Integrated News
