Isang mananaya ang nanalo ng mahigit P44 milyon jackpot prize sa Lotto 6/42 draw nitong Huwebes, Mayo 11, 2023. Tinamaan din ang 6D Lotto na mahigit P1.5 milyon ang premyo.
Sa website ng Philippine Charity Sweepstakes Office, nakasaad na isang mapalad na mananaya ang nakahula sa lumabas na mga numero sa Lotto 6/42 draw na 36-07-19-26-08-01.
Umabot ang premyo nito sa P44,070,179.40.
Isang mananaya rin ang tumama sa kasabay na 6D Lotto draw. Ang lumabas na mga numero 0-4-2-0-7-3, at may kabuuang premyo na P1,535,439.00.
Samantala, wala namang tumama sa isa pang draw na Superlotto 6/49, na ang lumabas na mga numero ay 48-45-13-47-46-11, at may kabuuang premyo na P20,128,157.60.
Sa Biyernes, Mayo 12, may draw para sa Ultra Lotto 6/58 na mahigit P111 milyon na ang nakaraang jackpot prize na hindi tinamaan. At ang Mega Lotto 6/45 na mahigit P209 milyon na ang premyo.--FRJ, GMA Integrated News
