Arestado ang isang lalaki sa Caloocan City dahil sa umano'y illegal possession of firearms.
Nakilala ang suspek na si Jeffrey Grumaru, ayon sa ulat ni Nico Waje sa Unang Balita ng GMA Integrated News nitong Lunes.
Ayon sa pulisya, kahina-hinalang umiikot ang suspek sa 3rd Avenue sa Barangay 118 kaya nilapitan nila ito bilang bahagi ng kanilang Oplan Galugad.
Nagtangka umanong tumakas ang suspek pero nahuli nila ito.
Narekober sa suspek ang isang firearm na may bala.
Walang pahayag ang suspek. —KG, GMA Integrated News
