Security guard, pinagsasabay ang trabaho at paggawa ng assignment sa kursong architecture

Hinangaan ang isang security guard na isinisingit ang paggawa ng assignment sa kursong architecture habang nagdu-duty sa Tacloban City.

Sa Unang Balita nitong Miyerkoles, makikita sa larawan ni Cristina Frencillo na gumagawa ng assignment ang guard na si Melquisidec Aurea habang nagbabantay sa establisimyento.

Naisingit ni Aurea ang paggawa ng assignment nang makatiyempong hindi siya abala sa trabaho.

Sinabi ni Aurea na kahit hirap sa buhay, hindi siya nawawalan ng pag-asa na matupad ang kaniyang pangarap. —Jamil Santos/KBK, GMA News