Instant milyonaryo ang isang mananaya matapos makuha ang winning combination sa Super Lotto 6/49, ayon sa ulat ng Unang Balita nitong Lunes.
Nakuha ng masuwerteng mananaya ang kumbinasyon na 36-29-35-16-03-17 sa draw na ginanap nitong Sabado para mapanalunan ang mahigit P29 milyon.
Mahigit P49 milyon naman ang napanalunan ng isa pang mananaya sa Lotto 6/42 matapos makuha ang mga numerong 30-20-15-09-23-22. —KBK, GMA News
