Sumiklab ang sunog sa isang barangay sa Novaliches, Quezon City nitong Sabado ng umaga.
Iniulat ni Mark Makalalad sa Dobol B sa News TV na nagsimula ang sunog dakong alas-otso ng umaga sa Block 6, Barangay Capri.
UPDATE: Sunog sa isang residential area sa Block 6, Brgy. Capri, Novaliches, Quezon City, nananatili sa unang alarma. | via @MMakalalad pic.twitter.com/XmqkxX8qYX
— DZBB Super Radyo (@dzbb) October 3, 2020
Sa inisyal na report ng mga taga-Bureau of Fire Protection, nakulong lamang sa isang bahay ang apoy, at pinipigilan itong kumalat pa sa ibang mga bahay sa lugar.
Ayon sa ulat, wala namang naiulat na nasaktan sa sunog.
Patuloy pang inaapula ang apoy. —LBG, GMA News
