Limang tao ang patay habang 33 iba pa ang sugatan sa banggaan ng bus at delivery van sa highway sa Pagbilao, Quezon Sabado ng hapon.
Nagkasalpukan ang bus ng CUL Transport at van dakong 5 p.m. sa New Diversion Road, Barangay Silangang Malicboy, Pagbilao, Quezon.
GMA NEWS: 5 ang patay, 33 sugatan sa salpukan ng pampasaherong bus na CUL Transport at delivery van sa Pagbilao, Quezon. @gmanewsbreaking @gmanews @dzbb pic.twitter.com/IBgSnLpq8Y
— peewee bacuño (@hero_peewee) December 14, 2019
Wala pang pagkakakilanlan ang mga nasawi habang ang mga sugatan ay isinugod sa iba’t-ibang pagamutan sa Lucena City at Pagbilao, Quezon.
Galing sa Visayas ang CUL Transport bus at patungo sana sa Maynila habang patungo naman sa Bicol ang delivery van. — DVM, GMA News
