Dalawang lalaki ang natagpuang patay sa Legazpi, Albay.
Ayon sa ulat sa QRT, nakagapos pa ang mga kamay ng dalawang bangkay.
May tama sila ng bala sa sentido at iba pang bahagi ng katawan.
Wala pang pagkakakilanlan ang mga biktima.
Pero tinatayang edad 20 hanggang 25 ang isa.
Mas bata naman ang isa pa, na posibleng edad 13 hanggang 17.
Nadiskubre ang mga bangkay sa masukal na lugar sa Barangay Bariis nitong Martes ng umaga.
Ayon sa mga tagaroon, nakarinig sila ng sunod-sunod na putok kagabi.
Walong basyo ng kalibre .45 at 9 mm na baril ang nakuha sa lugar.
Patuloy ang imbestigasyon. —NB, GMA News
