Isang tren ang sumalpok sa bus na nakahinto sa riles sa Bergen op Zoom, Netherlands nitong Lunes.
Sa video ng netizen na si Ronald Groffen, makikitang nasa tabi ng bus ang driver nito at sumesenyas siya sa paparating na tren para huminto ito, ayon sa ulat sa Unang Balita nitong Miyerkoles.
Ilang sandali pa ay biglang tumakbo papalayo ang driver at sumalpok na ang tren sa bus.
Nahati sa dalawa ang bus at nakaladkad ng tren ang debris.
Walang pasahero ang bus at walang nasugatan sa insidente.
Patuloy ang imbestigasyon ng pulisya at ng pamunuan ng bus company sa insidente. —GMA News
