Inilahad ng aktres na si Rica Peralejo-Bonifacio na nakaranas muli siya ng miscarriage. Pero sa pagkataong ito [na pangatlo], inihanda na umano siya ng Panginoon.
Sa YouTube vlog, sinabi ni Rica na nalaman niya na buntis siya bago ang Father’s Day noong Hunyo. Pero pagkaraan ng ilang linggo, natuklasan nila na hindi na tuluyang nabuo ang embryo sa kaniyang sinapupunan.
“I was positive for pregnancy so yay, good news," simula ni Rica.
"The bad news there is: I was positive. That means I no longer am,” paliwanag niya. “We had to accept the reality that this is not gonna develop anymore.”
Ayon kay Rica, nagsimula siyang makaranas ng pagdurugo, "and bleed a lot. I knew the pregnancy has ended."
Nakaranas din ang aktres ng miscarriages noong 2016 at 2017. Nang panahong iyon, masakit para sa kaniya.
Pero sa pagkakataon, payapa ang kaniyang kalooban.
“God has prepared my heart better this time. It’s more of like, ‘Lord, tulungan mo na lang ako ma-manage yung pain kasi ayoko na kasi sana madaanan yung gano’ng sobrang sakit,’” sabi ni Rica.
“Ang daming nawala sa’kin pero ang dami ko ring nakuha. I think it’s only a matter of acknowledging na while there were things that he did not give me, I also cannot just say that’s all he does,” patuloy niya.
Gayunman, aminado si Rica na, “I’m still suffering. I still have my bouts of sadness” pero batid niyang malalampasan din niya ito.
“Some of my greatest, most beautiful, wonderful revelations of God has come to me while I was in deep pain,” saad niya.
Kasal si Rica kay Pastor Joseph Bonifacio, at mayroon silang dalawang anak na sina Philip at Manu. — FRJ, GMA News
