Sinagot ni Super Tekla ang tanong kung totoo ang mga napapabalitang nagkikita silang muli ng dating nobya na si Michelle Banaag.
Sa programang "The Boobay and Tekla Show," inamin ni Tekla kay Boobay na nakikipagkita siya kay Michelle.
Pero paglilinaw niya, nagkikita lang sila ni Michelle dahil sa kanilang anak na si Angelo.
"Siyempre nandiyan yung anak ko sa kaniya," ani Tekla, "Parati ko naman sinasabi sa kaniya na ingatan mo si Angelo."
Sinabihan umano ni Tekla si Michelle na huwag pababayaan ang anak nilang si Angelo.
"Kapag 'yan pinabayaan mo wala na, hindi na kita mapapatawad talaga," sabi ni Tekla.
Sinabi naman ni Boobay si Angelo ang nagsisilbing koneksyon nila nina Tekla at Michelle.
"Siyempre si Angelo kailangan ng nanay," ayon kay Tekla.
Nagpahabol naman ng tanong ang co-host at "mema squad" member na si Boboy Villar.
Tanong ni Boboy, papaano kung lumapit si Michelle at sibihin kay Tekla na, "mahal pa kita, puwede ba [magkabalikan]?"
Alamin ang sagot ni Tekla at pagsalo ni Boobay sa tanong. Panoorin ang video.
--FRJ, GMA News
