Inihayag ni Miss Asia Pacific International 2018 Sharifa Akeel na hindi naging madali ang pinagdaanan nila ng kaniya na ngayong asawa na si Maguindanao Representative Esmael Mangudadatu.
Ginanap ang kasal nina Sharifa at Mangudadatu sa Al Nor Hotel and Convention Center sa Cotabato City nitong Miyerkoles.
Sa Instagram, ipinost ni Sharifa ang ilang larawan nila ng kongresista.
"The road that led me to you was not easy. No matter how hard I tried to fight it, no matter how much others wanted to fight it, fate wanted us to be together," saad niya sa caption.
Ayon kay Sharifa, unti-unti niyang natanggap na si Mangudadatu ang para sa kaniya.
"When I realized and then accepted that, love and happiness filled my life, and I realized that YOU, who has been there for the past 6 years, was all that I was missing," patuloy niya.
"I am excited to take on this new adventure, this new phase in my life, because I will be going on it with you, Husband," sabi pa ni Sharifa.
Dahil na rin sa COVID-19 pandemic, naging limitado lang ang inimbitahan sa kasalan para masunod ang health protocols.
Matatandaang nabalot ng kontrobersiya ang relasyon ng Muslim beauty queen kay Mangudadatu noong mga nakaraang taon. --FRJ, GMA News
