Kuwelang ipinagdiwang ng mga taga-Boac, Marinduque ang unang araw ng 2025 dahil sa palarong karera ng dalawang grupo ng mga lalaki habang may mga suot na diaper.
Sa ulat ng Balitanghali nitong Huwebes, sinabing isinagawa ang masayang diapers race sa Barangay Caganhao.
Sa isang video, mapanonood ang paunahan ng mga kalalakihan na magsuot ng diaper bago nakipagkarera.
May twist pa sa laro, kung saan iikot sa upuan na may bote o tsupon bago ipapasa sa kasunod na manlalaro ang diaper.
Sa tindi ng laro, nagwagi ng tumataginting na P500 ang nanalong grupo. —Jamil Santos/VBL, GMA Integrated News
