Ginayakan na mala-Bali resort sa Indonesia ang isang estasyon ng pulis sa Kalibo, Aklan.
Sa ulat ng Unang Balita nitong Miyerkoles, sinabing makikita sa presinto ang mga naka-set up na aesthetic na ilaw at mga halaman na parang hotel.
Base sa ulat ng Super Radyo Kalibo, bahagi ito ng "Oplan Maanyag" Altavas Municipal Police. Ang "maanag" ay maganda sa Aklanon.
Bukod sa layon nitong alisin ang stigma o takot ng mga pumupunta sa estasyon ng pulis, hangad din ng kapulisan na maging komportable ang mga pumupunta roon. --Jamil Santos/FRJ, GMA News
