Nakuhanan sa CCTV camera ang ginawang panghoholdap ng dalawang lalaki sa isang babae sa Baguio City.
Sa ulat ng GMA News "Unang Balita" nitong Lunes, sinabing nakasalubong ng biktimang babae ang dalawang salarin sa isang kalye.
Hinarang ng isang suspek ang babae, habang tinutukan siya ng patalim ng isa pang lalaki.
Sinuntok pa ng isang lalaki ang babae para makuha ang bag nito.
At nang makuha na ang kanilang pakay, tumakbo palayo ang dalawang salarin.
Inaalam pa umano ng mga opisyal ng barangay ang pagkakakilanlan sa dalawang salarin.
--FRJ, GMA News
