Patay sa pamamaril ng magkaangkas sa motorsiklo ang isang magsasaka na kabababa lamang sa tricycle sa Bantay, Ilocus Sur.
Sa ulat ng "Unang Balita" nitong Miyerkules, kinilala ang biktima na si Bernado Nuñez, Jr. Nahagip ng CCTV sa isang bahay ang pangyayari.
Hindi umano namukhan ang mga salarin ng mga nakasaksi sa pangyayari dahil naka-face mask at nakasuot ng helmet ang mga ito.
Dagdag pa, may problema sa lupa ang biktima at inaalam pa ng mga pulis kung anong motibo sa krimen. —LBG, GMA News
