Apat katao ang arestado sa Badoc, Ilocos Norte matapos makuhanan ng pekeng antigen test results, ayon sa ulat ng Unang Balita nitong Lunes.
Galing daw ang apat sa Pampanga at papuntang Pasuquin para magkabit ng aluminum glass. Nabisto ng mga pulis sa checkpoint na scanned lang at walang stamp mark ng ospital ang test results nila.
Hindi nagbigay ng pahayag ang mga naaresto.
Sa datos ng pulisya, hindi bababa sa 25 ang nahuli nilang gumamit ng pekeng antigen test results. —KBK, GMA News
