Arestado ang isang bugaw at nasagip ng mga awtoridad ang dalawang babaeng ibinubugaw ng suspek sa Laoag City, Ilocos Norte.
Iniulat ng Unang Balita nitong Biyernes na ang dalawang biktima ay may edad 20 at 21, at ang suspek ay 21-anyos lang din umano.
Dinala na ang dalawang biktima sa tanggapan ng DSWD para sa counselling, dagdag ng ulat.
Sinampahan na ng reklamo sa piskaliya ang suspek na tumangging magbigay ng pahayag. —LBG, GMA News
