Nabisto ang shabu na itinago sa kape ng magsagawa ng buy-bust operation ang mga pulis sa Calamba, Laguna.
Nakapa kay Mark Anthony Opeña ang isang sachet ng 3-in-1 na kape kung saan niya itinago ang shabu, ayon sa ulat sa Unang Balita ng GMA News nitong Martes.
Paliwanag ng suspek, bago pa lang siya sa pagtutulak ng ilegal na droga.
Nagipit lang daw siya.
Halos P30,000 halaga ng shabu ang nakuha sa suspek. —KG, GMA News
