Isang bangkay ng lalaki ang natagpuang palutang-lutang sa Taal Lake sa Batangas, ayon sa ulat sa Unang Balita nitong Martes.
Nakagapos ang paa't kamay ng lalaki dahilan upang paghinalaan na biktima ito ng summary execution.
Isang residente ang nakakita sa bangkay, na hinihinalang pinatay sa ibang lugar at itinapon lamang doon.
Inaalam na ng pulisya ang pagkakakilanlan ng bangkay at kung sino ang nasa likod ng krimen. —KBK, GMA News
