Isang bangkay ng babae ang natagpuan sa tabing-kalsada sa Lipa City sa lalawigan ng Batangas.
Sa ulat ng Balitanghali nitong Biyernes, sinabing walang pagkakilanlan ang biktima na nakasuot ng white sleeveless shirt at itim na short pants .
Iniimbestigahan na ng mga pulis kung doon mismo sa lugar pinatay ang biktima o itinapon lamang doon.
Inaalam na ng mga pulis ang pagkakakilanlan ng biktima at iniimbestigahan na rin kung sino ang posibleng salarin at ang motibo sa krimen. —LBG, GMA News
