Anim na tao sugatan sa isang aksidente sa daan na kinasangkutan ng isang SUV at owner-type jeep sa Maharalika Highway sa Plaridel sa lalawigan ng Quezon.
Sa inisyal na imbestigasyon, nangyari ang insidente dakong alas-3 ng madaling-araw sa barangay Concepcion sa bayan ng Plaridel.
Sugatan ang anim na sakay ng SUV, na sa tindi ng pagsalpok tumagilid sa gitna ng highway, durog-durog ang windshield, at magkayupi-yupi ito.
Agad namang nakaresponde ang mga tauhan ng Bureau of Fire Protection ng Plaridel at agad na nasaklolohan ang mga sugatan.
Ayon sa imbestigasyon ng pulis-Plaridel, nasilaw umano ang driver sa ilaw ng isa pang SUV na nakasalubong nito at hindi umano nakita ang owner type jeep na naka parada sa gilid ng highway. —Peewee Bacuño/LBG, GMA News
