Naghatid ng throwback feels sina Dingdong Dantes at Arthur Solinap nang ipakita nila ang kanilang moves bilang Abztract Dancers sa kanilang dance cover.
Sa post niya sa Instagram, na mapapanood din sa Unang Balita nitong Huwebes, makikita ang paghataw nina Dingdong at Arthur sa “How Gee” ng Black Machine.
Ayon kay Dingdong, si Arthur ang dahilan kung bakit siya pumasok sa showbiz.
“This is how we did it back in the day, featuring my cousin (the OG) and the reason why I joined show business: Abztract Dance Group co-member, Arthur Solinap,” caption ng Kapuso Primetime King.
“It’s always fun to dance with you ka ‘Torre’ sa Abztract. Mula nuon hanggang ngayon,” mensahe naman ni Arthur kay Dingdong. —Jamil Santos/VBL, GMA Integrated News
