Inihayag ni Miss Universe Pageant owner Anne Jakrajutatip na humingi siya ng paumanhin kay Catriona Gray nang magharap sila sa unang pagkakataon sa ginanap na Miss Universe Extravaganza sa Thailand noong nakaraang taon.
Naging panauhin si Anne sa “Fast Talk with Boy Abunda” nitong Martes, kung saan tinanong siya ni Tito Boy kung ano ang pinag-usapan nila noon ni Catriona sa stage.
“I respect her so much and it was my first time that we came across seeing each other,” sabi ni Anne.
“I said... This is for real actually. This is my first time really, so sincerely I just talked to her. ‘I’m Anne Jakrajutatip, I come here and say, I do apologize. Whatever happened in the past. But I’m so glad you are here in Thailand. Welcome to the family of JKN and also Miss Universe Organization. I love you my dear from the bottom of my heart,’” paghahayag ni Anne, bago nakipagbeso kay Catriona.
Ngunit nang usisain kung bakit siya humingi ng tawad, “Of course. I don’t have to answer” ang naging sagot ni Anne.
“I just want to get it out from my chest. Right now. Clear. Off the air,” sabi pa ng Miss Universe owner.
Para kay Anne, mas mahalaga na magtulungan sila ni Catriona para sa mga adhikain ng Miss Universe.
“I just need to do it. From now on we have to work together, so just put the past aside and don’t talk, don’t mention about it again,” paliwanag niya.
Matatandaang parehong naiugnay sina Catriona at Anne kay Clint Bondad.
Nagkahiwalay sina Catriona at Clint noong 2019, bago na-link si Clint kay Anne, na isang Thai trans woman.-- FRJ, GMA Integrated News
