Napaisip ang fans tungkol sa pagkakaroon ng sequel ng “Maria Clara at Ibarra,” matapos sabihin ni David Licauco na signing off siya bilang si Fidel “for now.”
“Yesterday marks the end of MCI, with that, I’d like to say thank you to everyone who supported the show for the past 5 months. To my MCI fam, I appreciate all of you. To GMA, thank you so much for giving me this once in a lifetime opportunity. It has been an absolute honor playing the role of Fidel,” pasasalamat ni David sa fans at sa Kapuso Network.
Pinasalamatan din ni David ang mga tao sa likod ng produksyon ng hit historical portal fantasy series.
Ngunit may pahiwatig si David na tila hindi pa magtatapos ang pagganap niya bilang si Fidel.
“Lastly, to all the hardworking team behind the cam, I’ve learned a lot from each and every one of you. I am forever grateful! Fidel signing off….. for now,” sabi ni David.
Sa Chika Minute report ni Nelson Canlas sa “24 Oras Weekend” nitong Sabado, sinabing trending ang iba’t ibang katagang may kaugnayan sa hit historical fantasy series, kabilang ang #MCIEndingYarn at #filayendgame.
Excited na si David sa thanksgiving event nila ni Barbie Forteza sa isang mall sa Quezon City. — Jamil Santos/VBL, GMA Integrated News
