Pumanaw na sa edad na 74 si Ichiro Mizuki, ang umawit ng ending song na "Chichi wo Motomete" sa "Voltes V."
Sa ulat ng Anime News Network, sinabing lung cancer umano ang sanhi ng pagpanaw ng mang-aawit noong December 6.
Noong July, inihayag ni Mizuki na na-diagnosed siya na may lung cancer with lymph node at brain metastasis.
Noong Abril 2021, nagkaroon siya ng partial paralysis sa vocal cords.
Binansagang "Emperor of Anime Songs," inawit ni Mizuki ang mga theme song ng "Kamen Rider" franchise, "Mazinger Z" franchise, "Combattler V," "Voltron," at iba pa.
Noong Nobyembre 27, nagkaroon si Mizuki ng final live performance.—FRJ, GMA Integrated News
