Magiging sweet at exciting ang taong 2023 para sa fans nina Ruru Madrid at Bianca Umali dahil magtatambal for the first-time ang real-life couple para sa isang teleserye.
Ayon sa isang ulat sa Showbiz Saksi, magsisimula bago matapos ang taon ang shooting ng programang “The Write One” nina Ruru at Bianca.
“This is about second chances,” sabi ni Ruru.
“It’s about second chances. It’s about love. I guess the acceptance of what your story really is,” dagdag naman ni Bianca.
Tila naman naging teaser ng kanilang unang television drama ang nakakakilig na Instagram posts ng dalawa na may matching caption na: “I found the right one”.
Kapansin-pansin din ang suot na mga singsing ni Bianca sa nasabing social media post na kasama ang four-year boyfriend.
“Sa pinakababa ‘yung may diamond tear shape, it’s a ring that came from Ruru. Second, that was the ring that I got myself last year. The gold ring with the small diamond was an engagement ring of my mom,” kuwento ni Bianca.--Sundy Mae Locus/FRJ, GMA News
