Pinatunayan ni Mike Tan na walang pinipiling edad ang pagtupad sa mga pangarap matapos siyang maka-graduate sa kolehiyo sa kursong psychology.
Sa kaniyang Instagram, ibinahagi ni Mike ang pagdalo niya sa kanilang virtual graduation, kung saan idinisplay ang kaniyang larawan na naka-toga.
Sa isa pang post, pinasalamatan ni Mike ang mga taong nagsilbing pipelines of grace at tumulong sa kaniyang tuparin ang kaniyang pangarap, kabilang ang kaniyang manager at handler, mga propesor, guro, kaklase at iba pang gumabay sa kaniya para matapos ang kurso sa Arellano University.
Ibinahagi rin ni Mike na may mga aktor at celebrities na tumulong sa kaniya sa kaniyang research.
Higit sa lahat, pinasalamatan ni Mike ang kaniyang pamilya, partikular na ang kaniyang asawang si Cris at mga anak na sina Toni at Prisci.
"My wife Cris and my daughters Tori and Prisci who inspired me to go through this program (despite the pandemic) and finally receive my college degree–I THANK THE LORD FOR ALL OF YOU ????????" —LBG, GMA News
