Tungkol sa pag-reconnect sa mga mahal sa buhay, may hatid na disco at arcade vibes ang bagong single ng SB19 na "WYAT" o Where You At.
Sa Chika Minute report ni Nelson Canlas sa “24 Oras Weekend” nitong Sabado, sinabing ang member na si Pablo ang nagsulat ng kanta.
"We've been performing for almost half of our lives together, and due to the pandemic, our world was suddenly put on hold," sabi ni Pablo sa isang pahayag.
"I felt a disconnection among the group brought about by the lockdown, and I've wanted to reach out to them through this song," dagdag niya.
Gaganapin ang WYAT [Where You At] Tour ng grupo sa Setyembre 17 pero ngayon pa lang, sold out na ang tickets.
Sinabi naman ng SB19 na gusto nilang maka-collab ang ilang award-winning artists gaya ni Bruno Mars. —Jamil Santos/VBL, GMA News
