Masayang ibinahagi ni Bettinna Carlos ang hindi niya inaasahang pagbubuntis.
Sa YouTube vlog, inihayag ni Bettinna na hindi niya inaasahan na mabubuntis agad makaraang makaranas ng miscarriage noong Enero.
“My pelvic laparotomy was on January 28 so dapat July. Dapat next month pa kami actively pwede mag-try to be pregnant but you know, God is a higher authority and more sovereign over the doctors,” sabi ng TV-host actress.
“Si God talaga ultimately yung may hawak ng time,” dagdag niya. “On the same year that we had Wammy and we lost him, God gave this new baby to us and I am due to give birth in December."
Sinabi pa ni Bettinna na maganda ang resulta ng kaniyang unang ultrasound, na ginawa tatlong buwan makaraang padalhan siya ng sulat ng 11-anyos niyang anak na si Gummy.
“I’ve been praying for you. God is in control. I had a hard time accepting that I was still an only child. But God is still good. No matter what. I love you, Mommy, and you too, Wammy,” saad sa sulat.
Bunga nang nangyari sa kaniya, sabi ni Bettinna: “Sweet lang ni God to replace the pain of my daughter in this letter with this unexpected surprise three months later.”
Sa Instagram post nitong Linggo, makikita ang larawan ng pamilya at ang baby bump ni Bettinna habang suot ang one-piece bathing suit.
Kasabay nito ang pagbati niya sa kaniyang asawa na si Mikki Eduardo: “Happy Father’s Day to this daddy of [two]! (Na ang lambing ay mang-asar, mang-loko, mang-prank, at mang-lunod).”
“We love you Daddy [Mikki]! Will forever be thankful it's you,” patuloy niya.
Ikinasal sina Bettinna at Mikki noong December 2020. — FRJ, GMA News
