Isinilang na ni Rich Asuncion ang ikalawang anak nila ni Benjamin Mudie na si baby Alessandra.
Sa Instagram, nag-post si Rich ng larawan ng kanilang little bundle of joy kasama ang kaniyang mister na si Benjamin.
“Introducing Alessandra,” saad ng aktres. “Born very strong and healthy. Bela finally has a fulltime playmate and our Mud Squad is complete.”
Bago ang panganganak, ibinahagi ni Rich ang pananabik sa pagdating ng bagong miyembro ng kanilang pamilya pagkaraan ng 41 linggo.
Taong 2018 nang ikasal sina Rich at Ben, dumating ang panganay nilang anak noong Disyembre ng nasabi ring taon.
Sa unang bahagi ng 2022, ibinahagi ni Rich ang magandang balita na mayroon na rin silang bagong bahay sa Australia.— FRJ, GMA News
