Pagbibidahan nina Sofia Pablo at Allen Ansay ang upcoming mini series na “Raya Sirena.”
Sa Chika Minute report ng “24 Oras” nitong Biyernes, inihayag ng Sparkle Sweethearts ang kanilang excitement sa bagong proyekto, na nagmula sa isang episode ng Regal Studio Presents.
Para kay Sofia, dream come true ang naturang proyekto na maagang regalo sa kaniyang 16th birthday.
“Ngayon mas masaya na kasi it’s a mini series, mas marami na akong scenes na pagiging mermaid, and masasabi ko na ’yung kuwento ni Raya is deeper,” saad ni Sofia kay Aubrey Carampel.
“Dito, hindi lang pala siya sirena. May mas malalaman pa po ’yung mga tao na, bakit siya naging sirena? Sino ’yung family niya, ano bang dahilan ang lahat?” ani Allen, na gaganap na si Gavin.
Makakasama nina Sofia at Allen sa naturang proyekto sina Xavier Ramos at Elias Point.
Mapapanood ang “Raya Sirena” simula sa Abril 24 sa GMA-7. – FRJ, GMA News
