Inanunsyo ng Miss Universe Philippines organization na bukas na ang aplikasyon para sa mga nais na maging susunod na beauty queen.
Ang anunsyo ay inihayag sa social media nitong Martes kasama ang listahan ng mga kinakailangang katangiang taglay ng aspiring beauties.
Ang aplikante ay dapat nasa edad na 18 hanggang 28 pagsapit ng Miss Universe Philippines coronation night sa Abril 30.
Kailangang Filipino citizen at may pasaporte, wala pang asawa at walang anak.
Walang height requirement na itinakda sa kompetisyon.
“Follow the footsteps of your favorite Miss Universe Philippines queens and start a queendom of your own,” saad sa caption sa post.
Maaaring makuha ang application form sa Instagram bio ng Miss Universe Philippines at ipadala sa contact@missuniverseph.com.
Tatanggapin ang mga aplikasyon hanggang pagsapit ng 11:59 pm ng Feb. 15.
Si Beatrice Luigi Gomez ang reigning Miss Universe Philippines, na nakapasok sa Top 5 ng international pageant noong nakaraang Disyembre.
--FRJ, GMA News
