Nakatakda nang ganapin ang Grammy Awards 2022 sa Abril 3 sa Las Vegas sa Amerika.
Sa ulat ng Unang Balita nitong Huwebes, sinabing ito ang kumpirmasyon ng the Recording Academy at CBS.
Ang komedyanteng si Trevor Noah ang magiging host ng Grammys ngayong taon.
Nakatakda sanang ganapin sa Enero 31 sa Los Angeles ang Grammys pero ipinagpaliban ito at inilipat sa ibang venue dahil sa pagdami ng COVID-19 cases dulot ng Omicron variant. — Jamil Santos/VBL, GMA News
