Sa "Mars Pa More," nagbahagi si Maui Taylor ng kuwentong "lovers' quarrel" nilang mag-asawa, kung saan naibato at nabasag niya ang mamahaling relo ng mister dahil sa sobrang galit.
"Sa sobrang pikon ko, I grabbed his watch, it's a very expensive watch... it's not physical but I threw it sa wall, and then the watch just broke," sabi ni Maui.
"Kasi may ganoong factor ako eh, 'pag gigil na gigil ako kailangan ko siyang i-release. So rather than matamaan ka sa akin, kung ano na lang 'yung nakita ko..." paliwanag pa ng aktres.
Ayon kay Maui, sobra ang naramdaman niyang galit dahil sa miscommunication nilang mag-asawa.
"That was how I was thinking. 'Ah gano'n ha, ayaw mo akong intindihin...'" anang dating sexy star.
Dahil dito, nagpayo ang guest din na si Tuesday Vargas tungkol sa mga away mag-asawa.
"The trick in a relationship is to get better at fighting," sabi ni Tuesday.
"Don't stay away from arguments and disagreements, talk about it, get better at it, process each other's emotions, listen to each other. The dynamics get better as you [listen]," dagdag ni Tuesday.
Ikinasal si Maui sa kaniyang non-showbiz boyfriend na si Anton Sabarre.--FRJ, GMA News
