Sumabak si Alden Richards sa "This Or That challenge" sa GMA News "Unang Hirit." Dito ay inilahad ng aktor na kung papipiliin lang ng isa, mas gusto niya ang Facebook kaysa Instagram. Alamin ang paliwanag niya kung bakit.
"Facebook siguro. Kasi mas nakakanood ako ng mga livestream ng gaming doon, 'yung sa Instagram, wala," paliwanag ni Alden.
Pagdating naman sa pagpili kung video games o travel, nahirapan naman ang aktor magdesisyon.
"Mahirap pong pumili sa totoo lang. Parehas po sila ng timbang sa pagkatao. So baka doon po ako sa gitna, pareho," sagot ni Asia's Multimedia Star.
Pinapili rin si Alden kung mas gugustuhin ba niyang mag-travel sa past, o sa future.
"Travel to the past na lang. Kasi alam naman natin kung ano na ang nangyari sa nakaraan, para mabalikan lang. And at the same time ma-relive lang 'yung moments na 'yon. Kasi 'yung future hindi naman natin hawak 'yan eh," saad niya.
Bukod sa pagiging isang magaling na aktor, kilala ring gamer si Alden.
Mapapanood sa Kapuso primetime series na "The World Between Us" si Alden, at kasama niya sina Jasmine Curtis-Smith at Tom Rodriguez. --FRJ, GMA News
