Isinilang na ni Vaness Del Moral ang first baby nila ng kaniyang asawang si Matt Kier.
Ayon sa GMA Artist Center, baby girl ang iniluwal ni Vaness nitong Miyerkules, May 26, na papangalanan na Ellie.
Ikinasal sina Vaness at Matt noong February 2018.
Nitong nakaraang Oktubre, sinorpresa ni Vaness si Matt tungkol sa kaniyang pagbubuntis.
Ipinaalam naman ni Vaness noong Enero na babae ang kaniyang magiging anak.
Bukod sa pagiging Kapuso actress, co-host si Vaness sa online talkshow na "Just In," kasama si Paolo Contis.—FRJ, GMA News
